REGİONLAR


Yaponiyalı səfir “Azərikimya” İstehsalat Birliyində olub

A+ A

Sumqayıt, 28 sentyabr, Ətrabə Rzayeva, AZƏRTAC

Yaponiyanın ölkəmizdəki səfiri Tsuquo Takahaşi sentyabrın 28-də “Azərikimya” İstehsalat Birliyində olub.

Birliyin mətbuat xidmətindən AZƏRTAC–a bildirilib ki, səfir əvvəlcə burada yaradılan Heydər Əliyev guşəsini ziyarət edib.

“Azərikimya” İstehsalat Birliyinin Müşahidə Şurasının sədri, Milli Məclisin deputatı Muxtar Babayev istehsalat sahələrində aparılan yenidənqurma və modernizasiya işləri və perspektiv layihələr barədə məlumat verib.

Yaponiyalı diplomat ölkələrimiz arasında ikitərəfli münasibətlərin müxtəlif istiqamətlərdə, o cümlədən siyasi, iqtisadi, humanitar sahələrdə dinamik şəkildə inkişaf etdiyini bildirib, Yaponiya hökumətinin Azərbaycan ilə dost münasibətlərini daha da inkişaf etdirmək istədiyini vurğulayıb.

Tanışlıq zamanı Yaponiya şirkətlərinin Sumqayıt Kimya Sənaye Parkına investisiya yatırmalarının, eləcə də mütərəqqi yapon texnologiyalarının tətbiqinin mümkünlüyü nəzərdən keçirilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.