DÜNYA


Yaponiyanın “ALE” şirkəti Hiroşima üzərində axan ulduzlar tablosu yaratmaq istəyir

Tokio, 10 fevral, AZƏRTAC

Mənzil qərargahı Tokioda yerləşən “ALE” şirkəti Hiroşima prefekturası üzərindəki səmada süni axan ulduzlar yaratmağı planlaşdırır. NHK telekanalının bu barədə yaydığı məlumatda layihənin “Göylər tablosu” adlandırılacağı bildirilir.

Layihənin həyata keçirilməsi məqsədilə 2018-ci ildə Yerətrafı orbitə, təqribən 500 kilometr hündürlükdə kiçik süni peyk çıxarılması nəzərdə tutulur. Peykin göyərtəsində diametri bir santimetrə bərabər olan yüzlərlə metal şar yerləşdiriləcək. 2019-cu ildə bu şarların süni peykdən atılması nəzərdə tutulur.

Əgər bütün işlər planlaşdırıldığı kimi davam edərsə, bu zaman Hiroşima prefekturası üzərində axan ulduzlara bənzər çox gözəl mənzərə alınacaq. Bu mənzərəni ətraf rayonlardan da izləmək mümkün olacaq.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.