SİYASƏT


Yaponiyanın Baş naziri müsəlman ölkələrindən olan diplomatlar üçün iftar süfrəsi açıb

Tokio, 12 iyun, AZƏRTAC

Yaponiyanın Baş naziri Şinzo Abenin iqamətgahında bu ölkədə akkreditə olunmuş müsəlman ölkələrinin səfirləri üçün iftar süfrəsi təşkil edilib.

Tədbirdə Azərbaycanın Yaponiyadakı səfiri Gürsel İsmayılzadə iştirak edib.

Tədbirdə çıxış edən diplomatımız ilk növbədə Baş nazirə iftar süfrəsinin təşkilinə görə minnətdarlığını bildirib, 2017-ci ildə Azərbaycan - Yaponiya diplomatik münasibətlərinin qurulmasının 25 illiyinin qeyd olunması ilə bağlı qarşılıqlı mötəbər tədbirlərin, səfərlərin planlaşdırıldığını qeyd edib. İki ölkə arasında münasibətlər, iqtisadi, o cümlədən enerji və qeyri-neft sektoru sahələrində əməkdaşlığın perspektivlərindən danışıb.

Tədbirdə iştirak edən ölkələrin, o cümlədən Azərbaycanın milli mətbəx nümunələri qonaqlara təqdim edilib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.