DÜNYA


Yaponiyanın “Fujitsu” şirkəti ciyərlərin diaqnostikası üçün yeni texnologiya yaradıb

Tokio, 24 iyun, AZƏRTAC 

Yaponiyanın elektronika istehsalı sahəsində tanınmış “Fujitsu” şirkəti ciyərlərin xəstələnməsi, xüsusən pnevmaniya zamanı diaqnozun qoyulması üçün yeni texnologiya yaradıb. Şirkətdən bildiriblər ki, yeni texnologiya kompüter tomoqrafiyası vasitəsilə çəkilən şəkilləri daha qısa vaxt ərzində araşdırmağa imkan yaradır.

“Fujitsu” şirkətinin əsasında süni intellektin dayandığı texnologiyası kompüter tomoqrafiyasının çəkilişlərindən istifadə edərək pasiyentin ciyərlərinin üçölçülü təsvirini yaradır . Sonra məlumatlar bazasından oxşar halları tapıb çıxararaq həkimlərə yekun diaqnozu qoymağa yardım edir.

Alimlərin bildirdiyinə görə, universitetlərin birində aparılan eksperiment zamanı diaqnozun müəyyən edilməsi üçün sərf edilən vaxt bir saatdan on dəqiqəyə enib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.