SİYASƏT


Yaponiyanın QHT və KİV rəhbərlərinə Azərbaycan həqiqətləri barədə məlumat verilib

A+ A

Bakı, 24 iyul, AZƏRTAC 

Milli Məclisin deputatı, Azərbaycan-Yaponiya parlamentlərarası əlaqələr üzrə işçi qrupunun üzvü Qənirə Paşayeva Yaponiyanın bir sıra qadın təşkilatları, tanınmış QHT və KİV rəhbərləri ilə görüşdə Azərbaycan ilə bağlı məlumatlar verib.

Qənirə Paşayeva ölkəmizin tarixi, keçdiyi inkişaf yolu, əldə etdiyi uğurlar, iqtisadi və turizm potensialı barədə danışıb. Milli Məclisin deputatı bildirib ki, Azərbaycan ilə Yaponiya arasında kifayət qədər uzunmüddətli diplomatik münasibətlər mövcuddur və cəmiyyətlərimizin qarşılıqlı olaraq bir-birini daha yaxşı tanıması, əməkdaşlığın genişlənməsi çox vacibdir, bu istiqamətdə QHT və KİV-lərin, qadın təşkilatlarının da üzərinə böyük bir missiya düşür.

Qənirə Paşayeva Yaponiyanın bir sıra QHT və KİV rəhbərləri, qadın təşkilatları ilə görüşdə Ermənistanın işğal etdiyi Azərbaycan torpaqlarında törətdiyi vandalizm aktları, evinə dönə bilməyən 1 milyon azərbaycanlı qaçqın və məcburi köçkün, Xocalı soyqırımı ilə bağlı məlumatlar verib. O deyib ki, harada yaşamasından asılı olmayaraq, dünyada beynəlxalq hüquq və ədalətin yanında olan ölkələr və xalqlar Ermənistanın işğalçılıq siyasətinə qarşı etiraz səslərini daha da yüksəltməlidir.

Yaponiyanın tanınmış qadın təşkilatları, QHT və KİV rəhbərləri Azərbaycana gəlmək istədiklərini bildiriblər və ölkəmizi yaxından tanımaqdan məmnun olacaqlarını deyiblər. Həmçinin Azərbaycan QHT və KİV-ləri, qadın təşkilatları ilə əlaqələrin və əməkdaşlığın genişlənməsindən məmnunluq duyacaqlarını vurğulayıblar.

Deputat gündoğar ölkənin KİV nümayəndələrinə Azərbaycan-Yaponiya münasibətləri, ölkəmizin iqtisadi, turizm potensialı, Qarabağ problemi, Ermənistanın işğal etdiyi Azərbaycan torpaqlarında törətdiyi vandalizm aktları ilə bağlı müsahibələr də verib.

Ümumdünya Qadın Sammitinin təşkilat komitəsinin sədri Milli Məclisin deputatı Qənirə Paşayevanı 2017-ci ildə Yaponiyada keçiriləcək sammitə dəvət edib və onu yenidən bu ölkədə görməkdən məmnun olacağını bildirib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.