DÜNYA
Yaponiyanın iki neft şirkəti birləşərək yeni holdinq yaratmaq barədə razılığa gəliblər
Tokio, 1 sentyabr, AZƏRTAC
Yaponiyanın neftin topdan satışı üzrə ən böyük “JX Holdings” şirkətinin və bu sahədə üçüncü yeri tutan “Tonen General Sekiyu” şirkətinin rəhbərliyi öz bizneslərini birləşdirmək barədə razılığa gəliblər.
Onlar gələn ilin aprelində, Yaponiya Ədalətli Ticarət Komissiyasının yoxlamasından sonra yeni holdinq yaradacaqlarını bildiriblər.
Yeni rəhbərlik qarşıdakı bir neçə il ərzində işçilərin sayını azaldacaq və bir neçə nefttəmizləmə müəssisəsinin işini səmərələşdirəcək.
Əldə edilən razılaşmaya əsasən, “JX Holdings”in prezidenti Yukio Uçida yeni yaranmış “JXTG Holdings”in rəhbəri olacaq.
Y.Uçidanın sözlərinə görə, o, qlobal rəqabətədavamlı qrup yaratmağa və onun əhəmiyyətini maksimum artırmağa çalışacaq.
Yaponiyanın neft emalı sahəsi son illər əhalinin sayının azalması nəticəsində yanacaqdan daha səmərəli istifadə edən avtomobillərə tələbatın aşağı düşməsi ilə qarşılaşıb.
Vüqar Ağayev
AZƏRTAC-ın xüsusi müxbiri
Tokio
MÜƏLLİFLƏ ƏLAQƏ
Bölmənin digər xəbərləri
- 07.05.2024 [16:47]
Güclü yağışlar Gürcüstanda ciddi problemlər yaradıb
- 07.05.2024 [16:29]
Olimpiya məşəli Fransa ərazisinə daxil olub
- 07.05.2024 [15:49]
Vyetnam fransız müstəmləkəçiliyinə son qoyan döyüşün 70 illiyini qeyd edir
- 07.05.2024 [15:19]
Rusiya hökuməti istefaya göndərilib
- 07.05.2024 [15:11]
Vladimir Putin Çindən sonra Türkiyəyə səfər edəcək
- 07.05.2024 [14:56]
2024-cü ildə dünyanın ən varlı və yoxsul ölkələrinin siyahısı dərc olunub
- 07.05.2024 [14:50]