Yaponiyanın şimal-şərqində zəlzələ baş verib
Tokio, 5 yanvar, AZƏRTAC
Yanvarın 5-dən 6-na keçən gecə yerli vaxtla saat 00:54-də Yaponiyanın şimal-şərqində 5 bal gücündə zəlzələ baş verib.
AZƏRTAC xəbər verir ki, Milli Meteorologiya Agentliyi sunami təhlükəsi elan etsə də, bir neçə dəqiqə sonra xəbərdarlıq ləğv olunub.
Yeraltı təkanların episentri paytaxt Tokionun yaxınlığında, ocağı 81 kilometr dərinlikdə yerləşib.
Dağıntılar və zərərçəkənlər barədə məlumat verilmir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
