REGİONLAR


Yardımlıda kartofçuluq inkişaf etdirilir

A+ A

Yardımlı, 21 avqust, Bağır Əliyev, AZƏRTAC

Ucqar dağ rayonu olan Yardımlıda əhalinin əsas məşğuliyyətlərindən biri də kartofçuluqdur.

AZƏRTAC xəbər verir ki, rayonda qablaşdırma sexinin inşa edilməsi kartofçuluqla məşğul olan fermerləri və məhsul istehsalçılarının bu sahəyə marağını artırıb. Sexdə məhsulun qablaşdırılması və satışa çıxarılması təmin olunacaq.

Kartof əsasən Yardımlının Alar kəndində əkilir. Dəmyə şəklində becərilən kartof tam təbii, ekoloji təmiz şəraitdə yetişdirilir.

Fermerlər bu il kartofun üç növünü - “İran”, “Qusar” və “Kemirov” növlərini əkiblər. Bu növlər həm keyfiyyətinə, həm də məhsuldarlığına görə digər növlərdən fərqlənir.

Qeyd edək ki, bu il Yardımlıda 846 hektar sahədə kartof əkilib. Məhsul yığımına sentyabrın əvvəllərindən başlanacaq. Hər hektardan 3-4 ton məhsul götürmək proqnozlaşdırılır. Gələcəkdə rayonda əkin sahələrinin genişləndirilərək 1500-2000 hektara çatdırılması nəzərdə tutulur.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.