İQTİSADİYYAT


Yasamal rayonunda cari ilin doqquz ayının sosial-iqtisadi inkişafının yekunları müzakirə olunub

A+ A

Bakı, 14 oktyabr, AZƏRTAC 

Oktyabrın 14-də Yasamal rayonunda cari ilin doqquz ayının sosial-iqtisadi inkişafının yekunları və qarşıda duran vəzifələr müzakirə olunub.

Yasamal Rayon İcra Hakimiyyətindən AZƏRTAC-a bildiriblər ki, iclasda rayon rəhbərliyi, burada fəaliyyət göstərən idarə, müəssisə və təşkilatların rəhbərləri, ictimaiyyət nümayəndələri iştirak ediblər.

Yasamal Rayon İcra Hakimiyyətinin başçısı İbrahim Mehdiyev çıxış edərək bildirib ki, hesabat dövrü ərzində 3272 yeni iş yeri açılıb. 2016-2020-ci illərdə Yasamal rayonu ərazisində qəzalı vəziyyətdə olan 19 yaşayış binasının mərhələli şəkildə sökülüb yenidən tikilməsi nəzərdə tutulur. Artıq bu binalardan 12-sinin sökülməsi, yeni binaların layihələndirilməsi və tikintisinə dair sərəncamlar verilib.

Bildirilib ki, cari ilin doqquz ayında mənzil fondunun qorunması istiqamətində işlər davam etdirilib. 65 yaşayış binasında 11880 kvadratmetr müxtəlif materiallarla dam örtüyü təmir edilib.

Hesabat iclası digər məruzəçilərin çıxışları ilə davam etdirilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.