REGİONLAR


“Yaşıl çay” fermer təsərrüfatının plantasiyalarından ilk dəfə çay toxumu yığımına başlanılıb

A+ A

Lənkəran, 5 noyabr, Bağır Əliyev, AZƏRTAC

Lənkəranda çay istehsalı ilə məşğul olan “Yaşıl çay” Fermer Təsərrüfatı MMC-nin çay plantasiyalarından ilk dəfə olaraq çay toxumu yığımına başlanılıb.

Müəssisənin direktoru Araz Yaqubov AZƏRTAC-a bildirib ki, bu il 41 hektar çay sahəsindən elit çay toxumu yığılacaq. Bununla müəssisə özü-özünü toxumla təmin edəcək.

Hazırda təsərrüfatda mövcud olan 61 hektar çay plantasiyasının 41 hektarının məhsuldar sahələr olduğunu vurğulayan A.Yaqubov yeni sahələrin salınmasında əsasən yüksək məhsuldarlığı ilə seçilən “Kolxida” çay növündən istifadə edildiyini diqqətə çatdırıb.

Bu il təsərrüfatda ilk dəfə olaraq 90 ton yüksək keyfiyyətli yaşıl çay yarpağı yığılıb.

Müəssisədə bu il daha 10 hektarda çay əkininin aparılması nəzərdə tutulub. Bu məqsədlə şitillik təsərrüfatı yaradılıb. Gələcəkdə isə çay plantasiyasının 100 hektara çatdırılması nəzərdə tutulub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.