CƏMİYYƏT


“Yaşıl gələcək naminə” fotomüsabiqəsinin qalibləri mükafatlandırılıblar

A+ A

Bakı, 23 noyabr, AZƏRTAC

Təhsil Nazirliyinin Respublika Ekoloji Tərbiyə və Təcrübəçilik Mərkəzi 10-15 yaşlı uşaqlar arasında “Yaşıl gələcək naminə” mövzusunda fotomüsabiqə keçirib.

Nazirlikdən AZƏRTAC-a bildiriblər ki, 25 məktəbi əhatə edən müsabiqədə birinci yerə Məhəmməd İslamov, ikinci yerə Bəyim Hüseynzadə, üçüncü yerə Fərid Əliyev layiq görülüblər.

Müsabiqədə fərqlənən 25 fotonun müəllifləri sertifikat və hədiyyələrlə mükafatlandırılıblar.

Qaliblərə mükafatları Bakı Ekspo Mərkəzində keçirilən “Xəzər: ətraf mühit üçün texnologiyalar” 7-ci Azərbaycan beynəlxalq ətraf mühit sərgisində Avropa İttifaqının Azərbaycandakı daimi nümayəndəliyinin rəhbəri Malena Mard təqdim edib.

Müsabiqə Avropa İttifaqı ilə Azərbaycan arasında tərəfdaşlığın 25 illiyi münasibətilə təşkil olunub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.