DÜNYA


Yava adasında təbii fəlakət qurbanlarının sayı 19 nəfərə çatıb

A+ A

Bakı, 21 sentyabr, AZƏRTAC

İndoneziyanın Yava adasının qərbində daşqınlar və torpaq sürüşməsi nəticəsində azı 19 nəfər həlak olub.

AZƏRTAC RİA Novosti informasiya agentliyinə istinadla xəbər verir ki, təbii fəlakət, həmçinin onlarla insanın xəsarət almasına səbəb olub. Daha 9 nəfər itkin düşmüş sayılır. Bir çox ev dağılıb. Bəzi ərazilərdə suyun səviyyəsinin iki metrədək qalxdığı bildirilir.

Mütəxəssislər yağışlar mövsümündə torpaq sürüşmələrinin daha tez-tez baş verməsinin səbəbini meşələrin aktiv surətdə qırılması ilə izah edirlər. 2014-cü ilin dekabrında Yava adasının mərkəzində torpaq sürüşməsi zamanı 100 nəfər həlak olmuş və ya itkin düşmüş, 600 nəfər evsiz qalmışdı. 2010-cu ildə Qərbi Papuada baş vermiş təbii fəlakətin nəticələri isə daha ağır olmuşdu: 160 ölü, bir o qədər itkin və 3,5 min zərər çəkmiş insan.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.