CƏMİYYƏT


Yay mövsümündə yüngül və tez həzm olunan qidalara üstünlük verilməlidir

Bakı, 26 iyul, AZƏRTAC 

Sağlamlığın qorunması baxımından hər fəslin öz qanunları var.

Yay fəslində qidalanma ilə əlaqədar qaydalar barədə təcrübəli fizioterapevt, Əməkdar Həkim Hacıbala Bədəlli AZƏRTAC-ın müxbirinə deyib: “Yay aylarında qida rasionuna fikir verilməsi çox vacib məsələdir. İlin bu fəslində daha çox tez həzm olunan və sorulan qidalara üstünlük vermək, yağlı və şəkərli qidalardan uzaq olmaq lazımdır. Qatıq, ovduq, ayran, duzsuz şor, meyvə, tərəvəz, göyərti və digər məhsullar menyuda əsas yer tutmalıdır”.

Yağlı yeməklərin orqanizmin hərarətinin daha da yüksəlməsinə səbəb olduğunu vurğulayan həkim bildirib ki, havanın isti olduğu günlərdə mümkün qədər az-az və tez-tez qida qəbul etmək məsləhətdir. Birdən-birə çoxlu qida qəbul etmək həzmi çətinləşdirir, bədən temperaturunu daha da artırır. Kifayət qədər maye qəbul edilməsi də çox mühüm məsələlərdən biridir. Adətən çay və ya qaynadılmış su içməyə daha çox üstünlük verilir. Əslində isə təmiz çiy su qəbul etmək daha faydalıdır. Çünki suyun, xüsusən, bulaq suyunun tərkibi orqanizm üçün lazım olan maddələrlə daha zəngindir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.