REGİONLAR


Yeddi rayonu təmsil edən abituriyentlər Bərdədə imtahan veriblər

Bərdə, 22 iyul, Tahir Ağaməmmədov, AZƏRTAC

Dövlət İmtahan Mərkəzi (DİM) tərəfindən iyulun 22-də 2017/2018-ci tədris ili üçün Azərbaycan Respublikasının ali təhsil müəssisələrinə qəbul olmaq istəyən abituriyentlər üçün I və IV ixtisas qrupları üzrə qəbul imtahanı keçirilib.

DİM-in Bərdə regional bölməsinin müdiri Samir Əliyev AZƏRTAC-a bildirib ki, Bərdə şəhərində keçirilən imtahanda bu rayondan, həmçinin Ağdam, Ağcabədi, Tərtər, Xocavənd, Beyləqan və Laçından olan 1241 abituriyent iştirak edib. Bərdə şəhər 5 və 6 nömrəli, həmçinin Ağdam 12 nömrəli (Bərdədə) tam orta məktəblərdə təşkil edilən imtahanlar 9 imtahan rəhbəri və 131 nəzarətçi-müəllim tərəfindən idarə olunub. Saat 11:00-da başlayan imtahanlar təlimata uyğun aparılıb və hər hansı qanun pozuntusuna yol verilmədən vaxtında başa çatıb.

Qeyd edək ki, iyulun 23-dən etibarən imtahan protokollarının və cavab kartlarının emalı aparılacaq. İmtahan nəticələrinin yaxın 3-4 gün ərzində elan edilməsi nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.