İQTİSADİYYAT


“Yeni telekommunikasiya texnologiyaları” üzrə təlimlərə başlanılıb

Bakı, 4 iyul, AZƏRTAC

Nəqliyyat, Rabitə və Yüksək Texnologiyalar Nazirliyinin Elektron Hökumət Təlim-Tədris Mərkəzində Avropa İttifaqının TAIEX (Texniki Yardım və İnformasiya Mübadiləsi) yardım aləti çərçivəsində “Yeni telekommunikasiya texnologiyaları” üzrə ekspert missiyasına başlanılıb.

Mərkəzdən AZƏRTAC-a bildirilib ki, Almaniyanın İqtisadi İşlər və Energetika Nazirliyinin rəsmisi Anders Hart Nəqliyyat, Rabitə və Yüksək Texnologiyalar Nazirliyinin, “Aztelekom” MMC-nin və “Baktelekom”un nümayəndələri üçün seminarlar keçəcək.

Ekspert missiyası çərçivəsində müxtəlif mövzular ətrafında təqdimatlar ediləcək, tədbir iştirakçılarına Avropa ölkələrinin, xüsusilə də Almaniyanın informasiya və telekommunikasiya texnologiyaları sahəsindəki nailiyyətləri, təcrübəsi və gələcək planları barədə məlumat veriləcək.

Qeyd edək ki, “Aztelekom” MMC-nin təşəbbüsü ilə keçirilən tədbir 5 gün davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.