DÜNYA
Yeni texnologiya bağlı kitabları oxuyacaq
Bakı, 14 sentyabr, AZƏRTAC
Massaçusets Texnologiya İnstitutu və Corciya Texnologiya İnstitutunun tədqiqatçıları bağlı kitabların oxunmasına imkan verəcək kitabların mündəricatını müəyyənləşdirən yeni sistem hazırlayıblar.
AZƏRTAC “4PDA” saytına istinadən xəbər verir ki, eyni anda doqquz kitabı vərəqləmədən oxumağa imkan verən sistem ilk baxışdan rentgeni xatırladır və mürəkkəblərdən başqa cür əks edilən mətni kağız qatlarının içindən skan edən terahers şüalandırmadır.
Texnologiyanın ilkin mərhələdə olmasına baxmayaraq, tədqiqatçılar artıq sistem vasitəsilə kitabın ilk 20 səhifəsi arasında olan məsafəni ölçməyə, eləcə də ilk 9 səhifədə çap edilən ayrı-ayrı hərfləri müəyyənləşdirməyə nail olublar. Hazırda alimlərin məqsədi sistemin dəqiqliyini artırmaqdan, həmçinin tanınan səhifələrin sayını artırmağa imkan verəcək şüalandırma mənbəyinin axtarışından ibarətdir.
Texnologiya faydalı görünməsə (çünki kitabı ələ götürüb oxumaq daha asandır) də, sistem uğur qazanacağı təqdirdə zədələnən tarixi artefekatların və qədim abidələrin analizinə kömək edə bilər.