DÜNYA


Yeni texnologiya ilə smartfonlar daha sürətli enerji toplayacaq

A+ A

Bakı, 12 noyabr, AZƏRTAC

Yeni “Quick Charge 4.0” texnologiyası sayəsində mobil qurğular daha sürətlə enerji toplayacaq.

“Fudzilla” nəşrinin məlumatına görə, ABŞ-ın “Qualcomm” şirkəti yeni nəsil “Quick Charge” texnologiyasını təqdim etməyə hazırlaşır.

AZƏRTAC “dailycomm.ru” saytına istinadən xəbər verir ki, “Quick Charge 4.0” standartı cərəyanın gücü 4.7-5.6 amper olduqda 5 voltadək, 3 amper olduqda 9 voltadək gərginlik verəcək. Gərginliyi belə yüksək həddə qaldırmaqla verilən cərəyanın gücünü asanlıqla artırmaq mümkün olacaq, amma bu üsul gərginliyin batareyanın hesablandığı səviyyəyə enməsi zamanı böyük miqdarda istiliyin ayrılması ilə nəticələnir. Təkmilləşdirilmiş “Intelligent Negotiation for Optimum Voltage” texnologiyası bu problemi həll etməlidir.

“Quick Charge 4.0” dəstəkli ilk smartfonlar 2017-ci ilin birinci rübündə satışa çıxarılacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.