DÜNYA


Yenin yüksək məzənnəsi yapon şirkətlərinin gəlirini azaldıb

Tokio, 6 dekabr, AZƏRTAC

Yaponiya hökuməti cari maliyyə ilində vergilərdən daxilolmaların planlaşdırıldığından az olacağı ilə əlaqədar tədbirlər görməyə hazırlaşır. Hökumətdən bildiriblər ki, milli valyuta olan yenin məzənnəsinin yüksək olması korporativ vergilərin azalmasına səbəb olub.

Rəsmi nümayəndələr 2016-cı maliyyə ilində korporasiyaların yüksək mənfəət əldə edəcəyini proqnozlaşdırırdılar. Onların hesablamalarına görə, vergilərdən daxilolmalar təqribən 510 milyard dollara çatmalı idi.

Hazırda həmin məbləğin təqribən 9 milyard dollar azalacağı barədə fikirlər söylənilir. Bu, 2009-cu maliyyə ilindəki qlobal maliyyə böhranından sonra ilk belə azalmadır.

Rəsmi nümayəndələr həmin kəsirin qarşısını almaq üçün dekabrın sonunadək əlavə büdcənin hazırlanmasını planlaşdırırlar. Buraya yaranmış defisitin bağlanması üçün daha çox istiqraz vərəqələrinin buraxılması barədə təklif də daxil edilə bilər.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.