İDMAN


Yeniyetmə boksçuların Azərbaycan birinciliyinə yekun vurulub

Bakı, 9 iyun, AZƏRTAC

Yeniyetmə boksçular arasında Azərbaycan birinciliyi başa çatıb.

AZƏRTAC xəbər verir ki, Bakı Boks Mərkəzində baş tutan yarışda ölkənin müxtəlif şəhər və rayonları təmsil edən komandaların 200-dək idmançısı mübarizə aparıb.

Altı gün davam edən yarışın yekununda ən güclülərin adlarına aydınıq gəlib. Gərgin idman mübarizəsi şəraitində keçən birincilikdə Nihad Qurbanlı (37 kq, “Neftçi”), Zaur Qəhrəmanov (38,5 kq, “Gilan”,), Elbrus Adıgözəlov (40 kq, “Qəbələ”), Fikrət Zeynalov (41 kq, Gəncə), Əli Gözəlov (43 kq, Sumqayıt), Əsəd Ağayev (44 kq, Cəlilabad), Əli Qəmbərov (46 kq, Sumqayıt), Nicat Kərimov (48 kq, Gəncə), Elmar Abbasov (50 kq, “Rabitə”), Sənan Mehdiyev (52 kq, “Rabitə”), Seymur Nəzərli (54 kq, Sumqayıt), Fuad Bayramov (56 kq, “Rabitə”), Akif Əzizov (59 kq, Neftçala), İsa Novruzlu (62 kq, “Qalib”), Baloğlan Əkbərov (65 kq, Hacıqabul), Nurlan Hüseynquluyev (68 kq, “Zenit”), Cəfər Heydərov (72 kq, Cəlilabad) və Rəvan Hüseynov (76 kq, “Gilan”) fəxri kürsünün ən yüksək pilləsinə qalxıblar.

2003-2004-cü illər təvəllüdlü boksçular arasında keçirilən yarışda komanda hesabında Sumqayıt idmançıları bütün rəqiblərini qabaqlayıblar. İkinci pillə “Rabitə”yə, üçüncü yer Gəncəyə qismət olub.

Qeyd edək ki, yarış iyulda Bolqarıstanda təşkil olunacaq Avropa birinciliyinə seçim xarakteri daşıyır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.