ELM VƏ TEXNOLOGİYA


Yer elmləri sahəsində mühüm tədqiqatlar aparılıb

A+ A

Bakı, 16 noyabr, AZƏRTAC 

Azərbaycan Milli Elmlər Akademiyasının Geologiya və Geofizika İnstitutunda “Cənub-Şərqi Qafqazın üst yura çöküntülərinin stratiqrafiya və paleocoğrafiyasına dair yeni məlumatlar” mövzusunda Yer elmləri üzrə respublika seminarı keçirilib.

İnstitutdan AZƏRTAC-a bildiriblər ki, tədbirdə bu elm müəssisəsi direktorunun elmi işlər üzrə müavini, geologiya-mineralogiya elmləri doktoru Dadaş Hüseynov mövzunun əhəmiyyətindən, bu istiqamətdə aparılan müasir tədqiqatların vacibliyindən danışıb.

Sonra Azərbaycan Dövlət Neft və Sənaye Universitetinin professoru, geologiya-mineralogiya elmləri doktoru Çingiz Xəlifəzadənin mövzu üzrə məruzəsi dinlənilib.

Məruzəçi qeyd edib ki, Cənub-Şərqi Qafqazın üst yura çöküntülərində müasir dövrün tələblərinə uyğun yeni kompleks litoloji-stratiqrafik və paleocoğrafi tədqiqatların aparılmasına böyük ehtiyac yaranıb.

Sonra D.Hüseynov bu sahədə əldə etmiş olduğu yeni nəticələri tezislər əsasında təqdim edib.

Məruzə ətrafında müzakirələr aparılıb, suallar cavablandırılıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.