REGİONLAR


Yevlaxda elektrik təsərrüfatı yenidən qurulur

Yevlax, 20 iyul, AZƏRTAC

Yevlax rayonunda istehlakçıların fasiləsiz və dayanıqlı elektrik enerjisi ilə təmin olunması istiqamətində tədbirlər görülür.

Şəhər icra hakimiyyətindən AZƏRTAC-a bildiriblər ki, cari ildə rayonun Qaraməmmədli, Salahlı, Balçılı, Nərimanabad və Varvara kəndlərində elektrik xətlərinin 254 ədəd köhnə dayaqları yeni dəmir-beton dayaqlarla əvəz edilib. Salahlı və Balçılı kəndlərində 5 ədəd komplekt transformator məntəqəsi quraşdırılıb.

Rayonun Havarlı, Hacıselli, Marzılı, Bəydili, Gülövşə, Əkşəm, Aşağı Salamabad, Yuxarı Salamabad, Yenicə, Əcəmi kəndlərində elektrik təsərrüfatının yenidən qurulması işləri aparılır. Həmin kəndlərdə 0,4 kVa-luq elektrik verilişi hava xətlərinin 1676 ədəd dayağı metal dayaqlarla, 26,5 kilometr elektrik naqili SİP kabellə əvəz edilib, 16 ədəd kompleks transformator məntəqəsi quraşdırılıb. Bu kəndlərə Mingəçevir yarımstansiyasından elektrik enerjisi ötürən 6 kVa-luq 14 və 54 nömrəli fiderlərin 1081 ədəd elektrik dayağı dəyişdirilib, 28,8 kilometr naqil yenisi ilə əvəz edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.