İDMAN


Yoahim Löv: Biz Fransadan yaxşı oynadıq

A+ A

Bakı, 8 iyul, AZƏRTAC

Almaniya millisi Fransadan baxımlı futbol ortaya qoydu.

AZƏRTAC UEFA-nın rəsmi saytına istinadla xəbər verir ki, belə bir açıqlama ilə futbol üzrə Almaniya yığmasının baş məşqçisi Yoahim Löv çıxış edib.

Avropa çempionatının yarımfinal görüşündə Fransaya 2:0 hesabı ilə məğlub olmaları səbəbindən məyusluğunu gizlətməyən çalışdırıcı bu matç və bütövlükdə komandasının turnirdəki çıxışından razı qaldığını deyib. Onun sözlərinə görə, bundesteam Marseldəki oyunda meydan sahibindən yaxşı futbol sərgiləyib: “Bunu xüsusilə yarımmüdafiəyə şamil etmək olar. Statistikaya baxsaq görərik ki, Almaniya millisi birinci hissədə 319 ötürmə edib. Rəqib isə bütün qarşılaşma ərzində 250 ötürmə edə bilib. Ən təəssüfedici və şanssız an isə odur ki, hissənin sonunda qapımıza penaltı təyin edildi. İmkanlarımızı səfərbər edib qol vəziyyətləri yaratdıq, lakin top çərçivəni keçmədi. Çatışmayan bircə uğur oldu. Fransızlar şanslarından maksimum yararlanaraq nəticə əldə etdilər”.

Almaniyalı mütəxəssis digər uğursuzluğu komandasında zədəli futbolçuların olması ilə izah edib: “Fikrimcə, fransızlar finalda da qalib gələcək. Çünki Portuqaliya bu çempionatda məni elə də təəccübləndirməyib”.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.