İQTİSADİYYAT


“Yüksək Texnologiyalar Parkı”nın yeni loqosu təqdim edilib

A+ A

Bakı, 24 noyabr, AZƏRTAC

Rabitə və Yüksək Texnologiyalar Nazirliyinin tabeliyində fəaliyyət göstərən “Yüksək Texnologiyalar Parkı – “YT Park” MMC-nin yeni əmtəə nişanı (loqo) təqdim olunub.

Nazirlikdən AZƏRTAC-a bildirilib ki, yeni loqo Yüksək Texnologiyalar Parkında elmin və innovasiyanın inkişafını təcəssüm etdirir. Əmtəə nişanının mərkəzində yerləşən əsas elementlər elmi tədqiqatları və yüksək texnologiyaların vəhdətini özündə əks etdirir. Kənar hissədəki səkkizguşəli ulduz isə Azərbaycan Respublikasının dövlət bayrağı və gerbinin elementlərini simvolizə edir.

Qeyd edək ki, “Yüksək Texnologiyalar Parkı” Azərbaycan Respublikası Prezidentinin 2012-ci il 5 noyabr tarixli Fərmanı əsasında yaradılıb.

Azərbaycan Respublikası Prezidentinin müvafiq Fərmanına əsasən, Bakı şəhəri, Pirallahı rayonunda “YT-Park” üçün 50 hektar torpaq sahəsi ayrılıb. Ölkə başçısının digər Fərmanı ilə Mingəçevir şəhərində 1,31 hektar ərazidə Mingəçevir Yüksək Texnologiyalar Parkı yaradılıb.

Qeyd edək ki, “Yüksək Texnologiyalar Parkı” informasiya-kommunikasiya texnologiyaları, telekommunikasiya, kosmos, enerji səmərəliliyi sahələrində tədqiqatların aparılması üçün zəruri infrastrukturu, maddi-texniki bazası və idarəetmə qurumları olan ərazidir. Parkın fəaliyyəti nəticəsində iqtisadiyyatın davamlı inkişafı və rəqabət qabiliyyəti artırılacaq. Müasir elmi və texnoloji nailiyyətlərə əsaslanan informasiya-kommunikasiya texnologiyaları sahələri genişləndiriləcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.