ELM VƏ TƏHSİL


“Yuli Sezar” kitabı Azərbaycan dilinə tərcümə olunub

Bakı, 27 yanvar, AZƏRTAC

Bakı Dövlət Universitetinin (BDU) beynəlxalq jurnalistika kafedrasının müdiri, professor Həmid Vəliyev ABŞ-ın tədqiqatçı alimi Alan Akselrodun “Liderlik dərsləri” silsiləsindən “Yuli Sezar” kitabını Azərbaycan dilinə tərcümə edib.

BDU-dan AZƏRTAC-a bildiriblər ki, “Qanun” nəşriyyatında çapdan çıxan kitabda Y.Sezar tarixdə istedadlı sərkərdə və mütəfəkkir, savadlı diktator və gözəl natiq, imperiyanın memarı və siyasi xadim, mütləq imperator hakimiyyətinə öz səyləri ilə nail olmuş dövlət adamı kimi səciyyələndirilir. A.Akselrod maraqlı təhkiyə formasında nümayiş etdirir ki, qədim dövrün siyasətçilərinin əməlləri müasir iri korporasiyalar və biznes sahibləri, habelə top menecerlər üçün nümunə ola bilər.

Qeyd edək ki, A.Akselrod menecment və biznesin idarə olunmasına dair 80 kitabın müəllifidir.

Professor H.Vəliyev hazırda “Liderlik dərsləri” silsiləsindən “Qandi” kitabı üzərində işləyir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.