DÜNYA
Yunanıstan 8 qiyamçını geri qaytarmağı planlaşdırır [YENİLƏNİB]
Türkiyənin istəyi ilə əlaqədar Yunanıstan Silahlı Qüvvələrinin Baş Qərargahı bildirib ki, 8 qiyamçının geri qaytarılması planlaşdırılır
X X X
14:42
Bakı, 16 iyul, AZƏRTAC
Türkiyədə dövlət çevrilişi cəhdinin qarşısının alınmasından sonra içərisində 8 qiyamçının olduğu hərbi helikopter Yunanıstan ilə sərhəd xəttində yerləşən Dədəağac şəhərindəki aerodromda eniş edib.
AZƏRTAC Anadolu Agentliyinə istinadla xəbər verir ki, helikopterdəki qiyamçılar Yunanıstan hökumətindən sığınacaq istəyiblər.
Türkiyənin xarici işlər naziri Mövlud Çavuşoğlu həmin qiyamçıların geri qaytarılması ilə bağlı Yunanıstana müraciət edib. M.Çavuşoğlu özünün şəxsi “Tvitter” hesabında “Helikopterlə Yunanıstana qaçan 8 xain əsgərin dərhal geri qaytarılmasını istədik”, - deyə status yazıb.