MƏDƏNİYYƏT


Zakir Bağırovun 100 illiyinə həsr olunmuş xatirə gecəsi təşkil olunacaq

A+ A

Bakı, 5 dekabr, AZƏRTAC

Dekabrın 23-də M.Maqomayev adına Azərbaycan Dövlət Filarmoniyasında Əməkdar İncəsənət Xadimi, unudulmaz bəstəkar Zakir Bağırovun anadan olmasının 100 illiyinə həsr olunmuş xatirə gecəsi keçiriləcək.

Filarmoniyadan AZƏRTAC-a bildirilib ki, Mədəniyyət və Turizm Nazirliyinin təşkilatçılığı ilə gerçəkləşəcək tədbirdə bəstəkarın həyat və yaradıcılığının əks olunduğu fotosərgi açılacaq, videoçarx nümayiş ediləcək.

Gecədə Elşad Bağırovun dirijorluğu ilə Ü.Hacıbəyli adına Azərbaycan Dövlət Simfonik Orkestri konsert proqramı ilə çıxış edəcək. Konsertdə Xalq Artisti Murad Adıgözəlzadənin ifasında pianoda bir sıra musiqi əsərləri dinləniləcək.

Qeyd edək ki, 1916-cı il martın 16-da Şuşada anadan olan Zakir Bağırov bəstəkarlıq fəaliyyəti ilə yanaşı, musiqi folklorumuzun toplanması və nota salınması sahəsində mühüm xidmətlər göstərib. O, 1935-ci ildə ilk dəfə olaraq görkəmli bəstəkar Tofiq Quliyevlə birlikdə tarzən Mansur Mansurovun ifasında “Rast”, “Dügah” və “Segah” muğamlarını nota yazıb və çap etdirib. Bəstəkarın 1972-ci ildə Səməd Vurğunun eyniadlı əsəri əsasında yaratdığı “Aygün” operası musiqi mədəniyyətimizin gözəl nümunələrindəndir. Zakir Bağırov bir sıra teatr tamaşalarına və filmlərə musiqi yazıb. “Aygün”, “Bərəkətli torpaq”, “Sədaqət yolu ilə”, “Təbiətin dostları”, “Bizim Azərbaycan” və başqa bədii, o cümlədən sənədli filmlərin musiqisi ona məxsusdur.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.