CƏMİYYƏT


Zaqatalada dövlət qoruğunda baş verən yanğın 6 sot ərazini əhatə edib

A+ A

Bakı, 6 avqust, AZƏRTAC

Zaqatala Dövlət Təbiət Qoruğunun Balakən rayon ərazisinin Qaraçay sahəsinin 5 saylı dolayında yanğın hadisəsi baş verib.

Bu barədə AZƏRTAC-a Ekologiya və Təbii Sərvətlər Nazirliyinin (ETSN) mətbuat xidmətindən məlumat verilib. Məlumatda bildirilir ki, əraziyə ETSN-in və Fövqəladə Hallar Nazirliyinin yerli qurumlarının əməkdaşları cəlb olunub və yanğın qısa müddətdə söndürülüb. Alov 6 sot ərazini əhatə edib və quru ot örtüyü, kol-kos yanıb.

Yanğının başvermə səbəblərinin və dəymiş ziyanın müəyyənləşdirilməsi istiqamətində araşdırma aparılır.

ETSN havaların isti keçməsi ilə əlaqədar əhalini bir daha təbiətdə olarkən odla ehtiyatlı olmağa, taxıl məhsullarının biçini zamanı yanğın təhlükəsizliyi normalarına riayət etməyə, söndürülməmiş siqaret kötüklərini ətrafa atmamağa, yanğın təhlükəsizliyi qaydalarına əməl etməyə və xalqımızın milli sərvəti olan meşələrimizi qorumağa çağırır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.