REGİONLAR


Zaqatalada heyvan sahiblərinə 62 min manatdan çox subsidiya ödənilib

Zaqatala, 24 iyul, Mustafa Dadaşov, AZƏRTAC

Cari ilin ötən dövründə Zaqatala rayonu üzrə 556 nəfər heyvan sahibinə süni mayalama yolu ilə alınmış 626 baş buzovun hər birinə 100 manat olmaqla, ümumilikdə, 62 min 600 manat subsidiya ödənilib. Ödənilən subsidiyalar yanvar-aprel aylarında doğulan buzovlara şamil edilib. Bundan əlavə, may və iyun aylarında doğulan 336 baş buzov üçün də 33 min 600 manat subsidiya hesablanıb və yaxın vaxtlarda ödənilməsi təmin olunacaq.

Bu barədə AZƏRTAC-a Zaqatala rayon Kənd Təsərrüfatı İdarəsinin heyvandarlıq sektorunun məsləhətçisi Aydın Heydərov məlumat verib.

Subsidiyalar Nazirlər Kabinetinin müvafiq qərarı ilə təsdiq edilmiş “Süni mayalanma yolu ilə alınmış hər buzova görə subsidiyaların verilməsi” Qaydasına əsasən verilib. İdarənin təmsilçisi bildirib ki, ümumiyyətlə, cari ilin ötən dövründə Zaqatala rayonunda 2764 baş inək, camış və düyə süni yolla mayalandırılıb. Müddət ərzində süni mayalama yolu ilə alınan buzovların sayı 1228 baş olub. Zaqatala rayonu bu göstəricilər üzrə respublikada ilk yerlərdə qərar tutub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.