REGİONLAR


Zaqatalalı fermerlər 120 hektar sahədə təkrar əkin aparıblar

A+ A

Zaqatala, 1 sentyabr, Mustafa Dadaşov, AZƏRTAC

Ölkəmizdə bitkiçiliyin inkişafına dövlət dəstəyinin gücləndirilməsi ilə bağlı əlavə tədbirlərin həyata keçirilməsi zaqatalalı fermerlərin də təkrar əkinlərə marağını artırıb. Taxıl biçini başa çatdıqdan sonra Zaqatala rayonunun təsərrüfatlarında 120 hektar sahədə təkrar əkin aparılıb. Əkin zamanı əsasən qarğıdalı və yem bitkilərinə üstünlük verilib.

Bu barədə AZƏRTAC-a Rayon Statistika İdarəsindən məlumat verilib. Mütəxəssislərin bildirdiyinə görə, Azərbaycanda dən və yaşıl yem istehsalının artırılmasında əsas ehtiyat mənbələrindən biri təkrar əkinlərin tətbiq edilməsidir.

Xatırladaq ki, Azərbaycan Prezidenti İlham Əliyevin 2015-ci il 15 aprel tarixli Sərəncamına əsasən, kənd təsərrüfatı məhsulları istehsalçılarına əkin sahəsinin becərilməsində istifadə etdikləri yanacaq və motor yağlarına görə dövlət büdcəsinin vəsaiti hesabına verilən yardım və mineral gübrələrin satış qiymətinə tətbiq edilən güzəştlər təkrar (aralıq) əkin aparan istehsalçılara da şamil edilir. Sərəncama uyğun olaraq, istehsalçılara hər hektar təkrar əkin sahəsinin becərilməsinə görə dövlət büdcəsinin vəsaiti hesabına 50 manat məbləğində yardım veriləcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.