REGİONLAR


Zərdabda kənd təsərrüfatında dinamik inkişaf təmin olunub

Zərdab, 16 fevral, AZƏRTAC

Zərdabda 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunan hesabat yığıncağında görülən işlər, habelə konkret vəzifələr müzakirə edilib.

AZƏRTAC xəbər verir ki, hesabat yığıncağında rayon icra hakimiyyətinin başçısı Lütvəli Babayevin məruzəsi dinlənilib. Vurğulanıb ki, hesabat ilində rayon iqtisadiyyatının əsas sahələrində 99 milyon 326 min manatlıq məhsul istehsal edilib. Bu, əvvəlki ilə nisbətən 12 milyon 593 min manat və ya 14,5 faiz çoxdur. Ümumi məhsul istehsalında kənd təsərrüfatının payı 54,9 faiz olub. Keçən il mühüm strateji məhsul olan taxılçılıqda uğurlu nəticələr qazanılıb. Belə ki, hər hektardan 30,6 sentner olmaqla, 52101 ton taxıl istehsal edilib ki, bu da 2015-ci ildəki göstəricidən 2251 ton çoxdur. Çəltik, kartof, günəbaxan, bostan-tərəvəz məhsulları istehsalı da artıb. Aqrar sektorun aparıcı sahələrindən olan heyvandarlıqda da nəticələr uğurludur.

Məruzə və çıxışlarda ölkəmizdə həyata keçirilən aqrar islahatlardan, pambıqçılığın, baramaçılığın inkişafı istiqamətində həyata keçirilən tədbirlərdən də ətraflı danışılıb. Bildirilib ki, 2016-cı ildən bu sahələrin yenidən dirçəldilməsi üçün mühüm işlərə başlanılıb. Nəticədə 832 hektar sahədən 1023 ton pambıq yığılıb, habelə 150 qutu ipəkqurdu toxumundan 5710 kiloqram barama götürülüb. Tədbirdə cari ildə bu sahələrin inkişafı üçün qarşıda mühüm vəzifələrin durduğu diqqətə çatdırılıb. Qeyd olunub ki, pambıq əkini sahələrinin artırılması məqsədilə əlavə torpaq sahələri ayrılıb, baramaçılıq üçün yem bazasının yaradılmasından ötrü 263 min 700 ədəd tut tingi əkilib. Əkin sahələrinin suvarma suyu ilə normal təminatı məqsədilə Kür çayından Bəyimli qəsəbəsi ərazisinə 10 kilometr su xətti çəkilir.

Hesabat ilində rayonda tikinti-quraşdırma və abadlıq işləri, yol infrastrukturunun yaxşılaşdırılması, əhalinin sosial müdafiəsi, yaşayış məntəqələrinin elektrik enerjisi, təbii qazla normal təminatı ilə əlaqədar xeyli işlər görülüb. Təhsil, səhiyyə, mədəniyyət obyektlərinin maddi-texniki bazasının möhkəmləndirilməsi məqsədilə tədbirlər həyata keçirilib.

Yığıncaqda Prezident Administrasiyasının məsul işçisi İbrahim Mustafayev və Milli Məclisin deputatı Jalə Əliyeva çıxış ediblər.

Ötən il rayonun ictimai həyatında fəal iştirak edən bir qrup şəxsə fəxri fərman verilib.

Sonda Prezident İlham Əliyevə müraciət qəbul olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.