İDMAN


“Zirə” klubu mövsümdə ilk qələbəsini qazanıb

A+ A

Bakı, 14 avqust, AZƏRTAC

Avqustun 14-də Azərbaycan Premyer Liqasında ikinci tura yekun vurulub.

AZƏRTAC xəbər verir ki, turun paytaxt derbisi Masazırda oynanılıb.

Əslində, “Neftçi” ilə “Zirə” “Bakcell Arena”da üzləşməli olsalar da, həmin stadion təmirə bağlandığından oyunun “Əlincə” stadionuna keçirilib. “Neftçi” ötən çempionatda yüksək liqada debüt edən “Zirə” ilə keçirdiyi dörd oyunda qalib gələ bilməyib. Mövsümün açılış turunda öz meydanında “Sumqayıt”a məğlub olan Adil Şükürovun komandası “Neftçi” ilə görüşdən isə qalibiyyətlə ayrılıb. Qonaqların heyətində Vüqar Mustafayevin 43-cü dəqiqədə vurduğu zərbə Məqsəd İsayevin ayağına dəyərək istiqamətini dəyişib. “Zirə” avtoqol sayəsində hesabı açıb -0:1. Matçın qalan dəqiqələrində qapılara qol vurulmayıb.

Beləliklə, iki turdan sonra “Neftçi” və “Zirə”nin aktivində hərəyə üç xalı var. Hazırda hər iki oyunda məğlubiyyət görməyən “Qəbələ” və “İnter” klubları turnir cədvəlində ilk pillələri bölüşürlər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.