CƏMİYYƏT


“Zorakılıqsız həyat naminə” adlı layihə keçirilib

A+ A

Bakı, 17 noyabr, AZƏRTAC

“Sağlam Həyat” Ana və Uşaqlara Qayğı İctimai Birliyi tərəfindən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə regionlarda “Zorakılıqsız həyat naminə” adlı layihə keçirilib.

İctimai Birlikdən AZƏRTAC-a bildiriblər ki, layihənin məqsədi paytaxtda və regionlarda məktəblilər, valideynlər və uşaqlarla işləyən şəxslər arasında zorakılığın yolverilməzliyi ilə bağlı maarifləndirmə tədbirlərinin təşkil edilməsi və uşaqlar arasında rəsm müsabiqəsinin keçirilməsidir.

İctimai Birliyin sədri və layihə rəhbəri Aytən Səfixanlı bildirib ki, layihə çərçivəsində Quba, Şabran, Füzuli və Beyləqan rayonlarında uşaq və gənclərin, müəllimlərin, valideynlərin və psixoloqların iştirakı ilə maarifləndirmə tədbirləri keçirilib və rəsm müsabiqəsinə yekun vurulub. Müsabiqədə 100-ə yaxın əsər nümayiş olunub. Qaliblərə sertifikat və hədiyyələr təqdim olunub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.