RƏSMİ XRONİKA
AZƏRBAYCAN PREZİDENTİ HEYDƏR ƏLİYEV İSVEÇ KRALLIĞININ SƏFİRİNİ QƏBUL ETMİŞDİR
Azərbaycan Respublikasının Prezidenti Heydər Əliyev avqustun 7-də Prezident sarayında İsveç Krallığının Türkiyədə və ölkəmizdə akkreditə olunmuş səfiri Henrik Lilyeqreni qəbul etmişdir.
Dövlətimizin başçısı Heydər Əliyev İsveç diplomatiını səmimiyyətlə salamlayaraq dedi:
- Hörmətli səfir!
Hörmətli səfirin xanımı!
Hörmətli konsul!
Mən belə başa düşdüm ki, siz missiyanızı başa çatdırmısınız və öz vəzifənizi tərk edirsiniz. Mən bununla əlaqədar deyə bilərəm ki, bizim ölkələrimiz arasındakı münasibətlər indi o qədər geniş olmasa da, hər halda yaxşıdır və inkişaf etmək meylləri var. Amma təbiidir ki, sizin ölkə çox inkişaf etmiş ölkədir, böyük texnikaya, texnologiyaya malikdir və böyük maliyyə imkanlarına malikdir. Azərbaycan ilə əməkdaşlıqda, Azərbaycana investisiya gətirilməsi istiqamətində biz yaxşı əməkdaşlıq edə bilərik.
Mən sizinlə ilk görüşümü xatırlayıram. Deyəsən, sonra bir dəfə də görüşmüşdürk. İndi artıq siz gedirsiniz. Ona görə də sizə təşəkkür edirəm ki, bu illərdə İsveçin Azərbaycanda səfiri kimi İsveç-Azərbaycan əlaqələrinin inkişaf etməsində öz xidmətlərinizi göstərmisiniz. Çox sağ olun, təşəkkür edirəm.
Prezident Heydər Əliyevə dərin minnətdarlığını bildirən səfir Henrik Lilyeqren dedi:
Cənab Prezident, çox sağ olun ki, məni, xanımımı, eləcə də İsveçin Bakıdakı konsulunu bu gün qəbul edirsiniz. Yəqin sifətlərimizdən görə bilərsiniz ki, biz sizin ölkəni tərk etdiyimizə görə bir qədər məyus olmuşuq.
Cənab Prezident, hər şeydən əvvəl istərdim ki, ölkəmizin kralı XV1Karl Qustavın salamlarını Sizə yetirim. O, Sizə davamlı uğurlar, möhkəm səhhət arzulayır. Eyni zamanda arzulayır ki, ölkənizə sülh gəlsin. Ölkəmizin xarici işlər naziri xanım Anna Linddən də Sizə salam yetirirəm. O, Avropa Birliyinə sədrlik etdiyi vaxt Azərbaycana səfərini çox yaxşı xatırlayır və Bakı haqqında gözəl, xoş təəssüratları vardır.
Xarici işlər naziri xanım Lind Sizinlə olan söhbəti də böyük məmnuniyyətlə xatırlayır. Bu, ounun yaddaşında çox maraqlı söhbət kimi qalıbdır. O, həmçinin bizə tövsiyə etmişdir ki, bu regionda Azərbaycanla əlaqələri daha da genişləndirək.
İsveç Azərbaycanı mühüm ölkə kimi tanıyır, Azərbaycana böyük əhəmiyyət verir. Ona görə də Azərbaycanın Avropa Şurasına üzvlüyünü dəstəkləyir və Azərbaycanın burada fəal iştirak etməsini arzulayır.
Cənab Prezident, biz çox şad olduq ki, Siz də bu fikirdəsiniz, İsveçlə Azərbaycan arasındakı münasibətlər yaxşı səmtdədir və bu əlaqələri daha da inkişaf etdirmək olar. Əlbəttə, biz, İsveç tərəfi Azərbaycana qoyulacaq sərmayələri daha da artırmaq istəyirik. Yəqin ki, bir qədər sonra, mətbuat nümayəndələri otağı tərk etdikdən sonra biz bu barədə daha geniş söhbət apara bilərik.
Cənab Prezident, istərdim Sizə şəxsi minnətdarlığımı bildirim. Siz böyük dövlət xadimisiniz. Mənim üçün çox xoş idi ki, Sizin idarə eidiyiniz ölkəyə səfir təyin olunmuşdum. Böyük məmnuniyyətlə Sizin fəaliyyətinizi izləyirdim və görürdüm ki, Siz burada sülhü və sabitliyi möhkəmləndirmək üçün əlinizdən gələni edirsiniz. Eyni zamanda Azərbaycan hökumətinin demokratiya, insan hüquqları və bazar iqtisadiyyatı istigamətindəki işlərini böyük məmnuniyyətlə qarşılayırıg. Bir qədər sonra mətbuat nümayəndələri buranı tərk edəcəklər və biz daha sərbəst söhbət edəcəyik.
Heydər Əliyev: Sağ olun, təşəkkür edirəm. Azərbaycanın Avropa Şurasına daxil olması prosesində sizin ölkənin dəstəyini mən yüksək qiymətləndirirəm. Hesab edirəm ki, biz Avropa Şurasında bundan sonra çox yaxşı əməkdaşlıq edə bilərik.
XV1 Karl Qustavın mənə göndərdiyi salama görə təşəkkür edirəm. Xahiş edirəm, mənim də salamlarımı, ən xoş arzularımı Karl Qustava çatdırasınız.
Həqiqətən siz düz xatırlayırsınız. Sizin ölkənin xarici işlər nazirinin Avropa Birliyində sədrliyi zamanı Azərbaycana səfəri çox uğurlu olmuşdur. Bizim çox maraqlı söhbətlərimiz olmuşdur. Ğüman edirəm ki, bundan sonra da Azərbaycanın Avropa Bitrliyi iləəməkdaşlığında İsveç həmişə Azərbaycana dəstək göstərəcəkdir.
Mən sizə bir də təşəkkür edirəm. Gələcək işlərinizdə uğurlar arzulayırams. Bizim ölkənin qapısı sizin üçün açıqdır. İstədiyiniz vaxt Azərbaycana gələ bilərsiniz vəsiz burada Azərbaycanın hörmətli qonağı kimi qəbul olunacaqsınız. Sizə və xanımınıza təşəkkür edirəm, bir daha işlərinizdə uğurlar arzulayıram. Sağ olun.
Qəbulda Prezidentin katibliyinin rəisi Dilarə Seyidzadə, İsveçin Bakıdakı konsulu Ərdal Otuzbir iştirak edirdilər.