İDMAN


"Azəryol" asan qələbə qazandı, "Telekom" tay-brekdə üstün oldu

A+ A

Bakı, 6 dekabr, AZƏRTAC

Bu gün qadın voleybolçular arasında Azərbaycan Super Liqasının V turu çərçivəsində iki oyun keçirilib.

AZƏRTAC xəbər verir ki, turun mərkəzi oyununda “Telekom” və “Azərreyl” komandaları qarşılaşıblar. Gərgin keçən oyunun ilk hissəsi rabitəçilərin xeyrinə başa çatıb - 25:19. İkinci setdə təşəbbüsü ələ alan dəmiryolçular hesabı bərabərləşdirməyə nail olublar - 25:15. Üçüncü setdə “Azərreyl” 25:23 hesabı ilə qalib gəlib. Dördüncü set isə eyni hesabla "Telekom" voleybolçularının xeyrinə nəticələnib. Beləliklə, matçın taleyi tay-brekdə həll olunub. Daha dəqiq oynayan rabitəçilər 16:14, ümumi hesabda isə 3:2 hesabı ilə qalib gəliblər.

Digər oyunda isə “Azəryol” klubu “Lokomotiv” komandasını qəbul edib. Görüş meydan sahiblərinin 3:0 hesablı asan qələbəsi ilə yekunlaşıb (25:8, 25:9, 25:11).

Bu turdan sonra xallarının sayını 15-ə çatdıran "Telekom" turnir cədvəlinin birinci pilləsinə yüksəlib. “Azərreyl” 13 xalla ikinci, “Azəryol” 11 xalla üçüncü pillədə yer alıb. Aktivində 3 xal olan “Lokomotiv” isə dördüncü yerdə qərarlaşıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.