İQTİSADİYYAT


"BakuBus" sürücülər üçün yaddaş kitabçası hazırlayıb

A+ A

Bakı, 1 sentyabr, AZƏRTAC

"BakuBus" sürücülər üçün yaddaş kitabçası hazırlayıb.

Bu barədə AZƏRTAC-a "BakuBus"un mətbuat xidmətinin rəhbəri Mansur Piriyev məlumat verib.

Qeyd edilib ki, "BakuBus" sürücülərin maarifləndirilməsi zəruri hesab olunan məlumatların əks olunduğu "Sürücünün yaddaş kitabçası" sərnişindaşıma fəaliyyətini daha səmərəli təşkil etmək və sürücülərin peşəkarlığını artırmaq məqsədlə hazırlanıb. Yaddaş kitabçasında "avtobus sürücüsü" peşəsinin beynəlxalq standartlara uyğun təsviri ilə yanaşı, "BakuBus"da fəaliyyət göstərən sürücülərin iş rejimi, işə hazırlıq prosesində görmələri zəruri olan tədbirlər, sərnişinlərlə davranış qaydaları, avtobusa texniki xidmət, eyni zamanda, gündəlik fəaliyyətə dair qeydlər və hesabatların verilmə qaydaları əks olunub.

Bütün bunlarla yanaşı, sürücünün hüquq və vəzifələri, qəza zamanı hansı zəruri addımların atılması və digər məlumatlar geniş şəkildə yaddaş kitabçasında əksini tapıb.

"BakuBus" sürücülərinə paylanacaq bu kitabçalar bundan sonra "BakuBus"un bütün avtobuslarında olacaq və sürücülər öz fəaliyyətlərini burdakı qaydalara əsasən həyata keçirəcək. Kitabçada göstərilən tələbləri yerinə yetirməyən sürücülər isə inzibati qaydada məsuliyyətə cəlb olunacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.