DÜNYA


"JP Morgan" - Dünyanın ən bahalı bankı

A+ A

Bakı, 14 sentyabr, AZƏRTAC

Nyu-York birjasında hərracların yekunlarına görə, "JP Morgan" bankı "Wells Fargo"nu qabaqlayaraq dünyanın ən bahalı banklarının reytinqində ilk pilləni tutub.

AZƏRTAC “banks.eu” saytına istinadla xəbər verir ki, hazırda "JP Morgan"ın kapitallaşması təxminən 240 milyard dollar, "Wells Fargo"nun isə 237 milyard dollar təşkil edir. "Wells Fargo" saxta kredit kartlarının buraxılmasına görə 185 milyon dollar cərimə edildikdən sonra bankın səhmləri 6 faiz aşağı düşüb.

Qeyd edək ki, bu artıq birinci dəfə deyil ki, "JP Morgan" kapitallaşma həcminə görə "Wells Fargo"nu qabaqlayır. Sonuncu dəfə 2013-cü il martın 14-də belə vəziyyət müşahidə olunmuşdu.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.