İQTİSADİYYAT


"Kapital Bank" və "Xalq Bank"ın şöbələrinə dair qərar qəbul edilib

Bakı, 9 iyun, AZƏRTAC

Maliyyə Bazarlarına Nəzarət Palatasının Direktorlar Şurasının 9 iyun 2017-ci il tarixli qərarına əsasən, "Kapital Bank" ASC-nin "Masallı" şöbəsinin açılmasına icazə verilib və "Xalq Bank" ASC-nin 1 saylı "Bilgəh" mübadilə şöbəsinin icazəsi ləğv edilib.

Maliyyə Bazarlarına Nəzarət Palatasının mətbuat xidmətindən AZƏRTAC-a bildiriblər ki, Direktorlar Şurasının iclasında "Kapital Bank"ın Masallı rayonu, M.Talışxanov prospektində yerləşən "ASAN Xidmət" Mərkəzində "Masallı" şöbəsinin açılması üçün müraciətinə baxılıb və müsbət qərar qəbul edilib.

"Kapital Bank" ASC-nin "Masallı" şöbəsi "ASAN Xidmət" mərkəzində göstərilən xidmətlər üzrə rüsum ödənişlərinin qəbul edilməsi, bölgə sakinlərinə depozitlərin qəbulu, valyuta mübadilə əməliyyatları, hüquqi və fiziki şəxslərə hesabların açılması, klirinq, hesablaşma-kassa və digər bank xidmətləri göstərəcək.

İclasda, həmçinin "Xalq Bank" ASC-nin 14 aprel 2017-cı il tarixli müraciəti əsasında 1 saylı "Bilgəh" mübadilə şöbəsinin icazəsi ləğv edilib. Bank müraciətində əsas səbəb kimi şöbənin fəaliyyətinin təmin edilməsinə çəkilən xərclər müqabilində əldə edilən maliyyə faydasının qeyri-səmərəli olması göstərilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.