İQTİSADİYYAT


"PAŞA Həyat" əmək qabiliyyətini itirmiş müştərinin ipoteka borcunu ödəyib

Bakı, 13 iyun, AZƏRTAC

"PAŞA Həyat Sığorta" şirkəti "kredit götürən şəxslərin həyat sığortası" növü üzrə növbəti irihəcmli sığorta ödənişinin məbləğini açıqlayıb.

Şirkətin ictimaiyyətlə əlaqələr xidmətindən AZƏRTAC-a bildiriblər ki, ölkədə fəaliyyət göstərən kommersiya banklarının birindən ipoteka krediti götürmüş şəxsin səhhətində yaranmış problem onun əmək qabiliyyətini itirməsi ilə nəticələnib.

Şirkətlə sığorta olunan şəxs arasında bağlanmış sığorta müqaviləsinin müvafiq bəndinə əsasən, müştərinin 48 701 manat banka olan qalıq kredit borcu "PAŞA Həyat" tərəfindən ödənilib.

Qeyd edək ki, "PAŞA Həyat" tərəfindən cari ilin əvvəlindən indiyədək ipoteka krediti ilə bağlı 11 sığorta hadisəsinə görə ümumilikdə 230 min manatdan çox sığorta ödənişi verilib.

"PAŞA Həyat" 2011-ci ilin fevral ayından fəaliyyət göstərir. Cari ilin iyun ayının 1-nə şirkətin nizamnamə kapitalının həcmi 40,250 milyon manat təşkil edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.