DÜNYA


"PayPal" Türkiyəyə geri qayıdır

A+ A

Bakı, 24 avqust, AZƏRTAC

İyun ayında Türkiyə qanunvericiliyinə əməl etməyi, vergi ödəməyi, kredit kartı və şəxsiyyət vəsiqəsi məlumatlarını aldığı insanların əməliyyatlarını Türkiyə serverlərindən həyata keçirməyi rədd etdiyinə görə Bankçılıq Tənzimləmə və Nəzarət Palatası (BTNP) tərəfindən lisenziyası ləğv edilən "PayPal" 2017-ci ilin martında "Cross Border" sistemi ilə yenidən bu ölkəyə geri dönməyə hazırlaşır.

AZƏRTAC cnntürk.com-a istinadla xəbər verir ki, şirkətlə BTNP arasında keçirilən görüşdə 2017-ci ilin sonuna qədər "PayPal"ın serverlərini Türkiyəyə daşımaq qərarı verilib.

Türkiyədə təxminən 800 milyon dollarlıq əməliyyat həcmi olan şirkətin yeni sistemlə həcminin 400 milyon dollar ətrafında olacağı proqnozlaşdırılır. 179 milyon aktiv üzvü olan "Paypal Global"ın təxminən 18 milyard dollarlıq əməliyyat həcmi olduğu bildirilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.