Gəncə, 18 mart, AZƏRTAC

Azərbaycan Dövlət Aqrar Universitetinin (ADAU) Aqrar Gənclər Təşkilatının təşkilatçılığı ilə "Qadının cəmiyyətdəki rolu" mövzusunda forum keçirilib.

AZƏRTAC-ın bölgə müxbiri xəbər verir ki, tədbirdə əvvəlcə Dövlət Himni səsləndirilib, torpaqlarımızın bütövlüyü uğrunda canlarından keçən şəhidlərin əziz xatirəsi bir dəqiqəlik sükutla yad edilib.

Forumda çıxış edən universitetin Tərbiyə işləri üzrə prorektoru Aidə Qasımova qadının cəmiyyətdəki rolu, əhəmiyyəti və vəzifələri, Azərbaycan qadınlarından böyük uğurlara imza atmış və bu gün gənc xanımlarımıza nümunə ola biləcək tarixi şəxsiyyətlərimiz haqqında danışıb.

Psixoloq Taciyə Mehdisoy qadının ailədə və uşaq tərbiyəsindəki rolu, eyni zamanda, təhsil alan və təhsil almayan qadının cəmiyyətə təsirindən söz açıb.

Digər çıxışlardan sonra forum iştirakçılarının sual və təklifləri dinlənilib.