Ağcabədi Rayonu Meşə Mühafizəsi və Bərpası Müəssisəsindən AZƏRTAC-ın müxbirinə bildirmişlər ki, yeni meşəliklərin salınması və bərpası üçün tinglik təsərrüfatı yaradılmışdır. Tinglik təsərrüfatında 1 milyona yaxın müxtəlif ağac növləri yetişdirilir. Son üç ildə rayonda 300 hektardan çox sahədə meşə zolağı salınmış, meşəliklərin ümumi sahəsi 3.500 hektara çatdırılmışdır. Təkcə ötən il 105 hektar sahədə yeni meşə zolağı yaradılmış, seyrək sahələrdə bərpa işləri aparılmışdır. İndi rayonda yeni meşələrin salınması müvəffəqiyyətlə davam etdirilir.