RƏSMİ SƏNƏDLƏR
Azərbaycan Respublikası Nazirlər Kabineti
Qərar № 52
Bakı şəhəri, 2 mart 2012-ci il
Azərbaycan Respublikası Nazirlər Kabinetinin 1994-cü il 19 sentyabr tarixli 339 saylı qərarı ilə təsdiq edilmiş "Uşaq evlərinin Nümunəvi Əsasnaməsi"ndə dəyişikliklər edilməsi haqqında
"Azərbaycan Respublikasında körpələr evlərinin, körpələr evi-uşaq bağçalarının, uşaq bağçalarının, xüsusi uşaq bağçalarının və uşaq evlərinin inkişafı ilə bağlı tədbirlər barədə" Azərbaycan Respublikası Prezidentinin 2011-ci il 27 dekabr tarixli 1941 nömrəli Sərəncamının 2.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:
1. Azərbaycan Respublikası Nazirlər Kabinetinin 1994-cü il 19 sentyabr tarixli 339 saylı qərarı ilə təsdiq edilmiş "Uşaq evlərinin Nümunəvi Əsasnaməsi"ndə aşağıdakı dəyişikliklər edilsin:
1.1. 7-ci hissənin ikinci cümləsində "təhsil şöbələrinin" sözləri "icra hakimiyyəti orqanlarının" sözləri ilə əvəz edilsin;
1.2. 17-ci hissənin ikinci cümləsində "nazirlik" sözü "yerli icra hakimiyyəti orqanı" sözləri ilə əvəz edilsin;
1.3. 22-ci hissənin ikinci cümləsində "təhsil şöbəsi və yerli icra hakimiyyətlərinin qəyyumluq və himayə orqanları" sözləri "yerli icra hakimiyyəti orqanı" sözləri ilə əvəz edilsin;
1.4. 43-cü hissənin ikinci cümləsində "Təhsil Nazirliyi" sözləri "yerli icra hakimiyyəti orqanı" sözləri ilə əvəz edilsin;
1.5. 56-cı hissədə "təhsil" sözü "icra hakimiyyəti" sözləri ilə əvəz edilsin;
1.6. 66-cı hissədə "təhsil" sözü " yerli icra hakimiyyəti" sözləri ilə əvəz edilsin.
2. Bu qərar imzalandığı gündən qüvvəyə minir.
Azərbaycan Respublikasının Baş naziri Artur Rasi-zadə