İQTİSADİYYAT


eGovPay ödəniş sisteminin xidmətlərindən banklar da yararlanmağa başladı

Bakı, 20 may, AZƏRTAC

“Elektron hökumət” portalının eGovPay ödəniş sisteminin xidmətlərindən banklar da yararlanmağa başladı.

Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzi ilə Bakı Ticarət Bankı – “Bank BTB” arasında bağlanmış müqaviləyə əsasən bankın bütün xidmət nöqtələri “Elektron hökumət” portalının eGovPay ödəniş sisteminə qoşuldu.

Nazirlikdən AZƏRTAC-a bildiriblər ki, bundan sonra müştərilər “Bank BTB”nin istənilən xidmət nöqtəsinə müraciət edərək mobil rabitə, stasionar telefonlar, internet, TV, kommunal xidmətlər və digər müxtəlif növ ödənişlərini həyata keçirə biləcəklər.

eGovPay ödəniş sisteminə qoşulmaq istəyən bir neçə bankla artıq müqavilələr imzalanıb və bu istiqamətdə işlər aparılır.

Məlumat üçün qeyd edək ki, eGovPay Prosessinq mərkəzi – müasir ödəniş platformasıdır. Onun vasitəsilə provayderlər ödəmə sistemini işə sala və ya sadəcə texniki proqramların köməyi ilə ödənişlər qəbul edə bilirlər.

eGovPay – geniş coğrafi ərazini əhatə edən müxtəlif xidmətlər üzrə etibarlı, onlayn, təhlükəsiz və sürətli ödəniş sistemidir. Bu mərkəzləşmiş sistem vasitəsilə çoxşaxəli, əlverişli, çevik xidmət təmin edilir və daha etibarlı dövlət ödəniş sistemi yaradılır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.