AZƏRTAC İTAR-TASS agentliyinə istinadla xəbər verir ki, Əfqanıstan Prezidenti Həmid Kərzai Fələstin dövləti yaradılan kimi Kabilin İsraillə diplomatik əlaqələr qurmağa hazır olduğunu bildirmişdir. Bunu İsrailin “Haarets” qəzeti Əfqanıstan Prezidentinin rəsmi nümayəndəsi Kərim Rəhiminin sözlərinə istinadla yazmışdır.

İsrailin siyasi mənbələri bununla əlaqədar bildirirlər ki, Əfqnıstanın ali rəhbərliyinin bu münasibəti yəhudi dövlətinin İslam aləmində tanınması yolunda böyük irəliləyişə gətirib çıxara bilər. Həmin mənbələrin məlumatına görə, Kərzainin təklifi İsrailin xarici işlər naziri Silvan Şalomun İsraili ərəb ölkələrindən və digər dövlətlərdən ayıran “dəmir pərdənin” götürülməsi üçün göstərdiyi səylərlə səsləşir.