QOÇLAR üçün indi bir o qədər də uğurlu dövr deyildir. Astroloqlar işgüzarlığınızı bir az səngitməyi məsləhət görürlər. Strateji planları dərindən düşünmək üçün fasilə götürməyə ehtiyacınız vardır. Müvəffəqiyyət qazanmaq üçün çoxsaylı imkanlar olsa da, onları yaxşıca saf-çürük edib, üstünlüyü ən yaxşısına verməlisiniz. Amma bütün bunları təmkininizi pozmadan, yaxşı əhval-ruhiyyə ilə etməlisiniz.

BUĞALAR uğuru qaçırmamaq üçün bir az artıq zəhmət çəkməli, tərəfdaşlarla münaqişəyə girməmək üçün isə çox diqqətli və ehtiyatlı olmalıdırlar. Bu mürəkkəb dövrdən elə bir itki vermədən keçib getməyə işin səmərəli təşkil olunması kömək edəcəkdir.

ƏKİZLƏR bu həftə yeni tərəfdaşlardan birinin yardım təklifinə ehtiyatla yanaşmalıdırlar. Bəlkə də çox yaxşı niyyətlə edilmiş bu jest təcrübəsizlik səbəbindən müəssisənin strategiyasının düzgün seçilməsində mənfi rol oynaya bilər. Bu işdə uzun illər duz-çörək kəsdiyiniz, sınanılmış insanların informasiyası daha faydalı olacaqdır.

XƏRÇƏNGLƏRƏ yeni layihəyə uğurlu başlanğıc vermək üçün yaşadıqları mühitdən çıxmaq, nikbin və yaradıcı əhval-ruhiyyədə olmaq lazımdır. Bu yolla, habelə böyük təcrübəniz və faydalı biliklərinizlə birlikdə siz əvvəllər xəyal belə edə bilmədiyiniz zirvələri fəth edə bilərsiniz. Lakin qəfildən hər hansı bir uğursuzluqla qarşılaşmamaq üçün düşdüyünüz hadisələr burulğanında istirahəti unutmamalısınız.

ŞİRLƏR məqsədlərinə nail olmaq üçün komanda ilə birlikdə çalışmalıdırlar. Başçılıq etdiyiniz təşkilat isə bir yumruq kimi ahəngdar işləməlidir. Belə bir effektə nail olmaq üçün siz bütün təşkilatçılıq bacarığınızı və liderlik keyfiyyətlərinizi ortaya qoymalısınız. Xoflanmayın. Ulduzlar vəziyyətin göründüyü kimi çətin olmayacağını bildirir.

QIZLAR bu günlər tez-tez özlərinə xatırlatmalıdırlar ki, doğru yoldadırlar. Yəni qəbul etdiyiniz qərarın düzgünlüyü ilə bağlı həyəcan keçirməyinizə, bu məsələ üzərində lüzumsuz yerə baş sındırmağınıza ehtiyac yoxdur. Olan olub, keçən keçib. Yeni ideyanızın potensialı tam açılmayıbdır. Amma özünəinam hissini əsla itirməyin, yoxsa ətrafdakılar zəif damarınızı tutub sizdən istifadə etməyə çalışacaqlar. Razılaşın ki, işin belə bir perspektivi qətiyyən maraqlarınıza uyğun deyildir.

TƏRƏZİLƏRİ həm həyatda, həm də biznesdə çətin vaxtlar gözləyir. Lakin planetlər sizin tərəfinizdədir. Dar ayaqda həmişə ailə üzvlərinin köməyinə bel bağlaya bilərsiniz. Astroloqların fikrincə, sizi düzgün yola məhz onların məsləhəti çıxara bilər. Aldığınız bütün informasiyalara qarşı diqqətli olmalısınız. Kim bilir, bəlkə də probleminizin açarı Kainatın sizə göndərdiyi bu işarələrdədir.

ƏQRƏBLƏRİN bu həftə işləri heç gözləmədikləri halda yağ kimi gedəcəkdir. İllüziyalara qapılmasanız, bütün çətinliklər sizdən yan keçəcək, ən xətasız şansı seçmək imkanı əldə edəcəksiniz. Yazışmalarınıza xüsusi diqqət yetirməlisiniz. Hər bir telefon zəngi, məktub və ya məlumat sizi dərindən düşündürməlidir ki, fikirlərinizi ünvanına doğru-dürüst çatdıra biləsiniz. Hiyləgərliyinizi deyil, cazibənizi işə salmalısınız, çünki hiylə ilə qazanan hiylə ilə də itirər.

OXATANLARI Yupiter sanki silkələyib ayıldacaqdır. Razılaşın ki, stəkanın yarıyadək dolu olduğunu düşünmək yarıyadək boş olduğunu düşünməkdən daha yaxşıdır. Əldə etdiyiniz nailiyyətlərə baxmayaraq, arxayınlaşmaq hələ tezdir. Fəaliyyətinizi genişləndirib, biznesinizdə yeni üfüqlər kəşf etmək planlarınızı sakit bir şəraitdə hazırlamalısınız.

OĞLAQLAR üçün dəyişikliklər dövrüdür. Siz ya karyeranızı, ya da çoxdan arzusunda olduğunuz bir sahədə özünüzü sınamaq imkanını seçməlisiniz. Qəbul etdiyiniz qərar bütün həyatınızı dəyişdirə bilər. Odur ki, bu işin müsbət və mənfi tərəflərini dərindən düşünməlisiniz. Məntiqəuyğun bütün arqumentlər tükəndikdən sonra qəlbinizin səsini dinləməlisiniz.

DOLÇALAR dostların və həmkarların məsləhətlərinə qulaq asmalıdırlar, çünki onlardan biri uğurlu ideyanın açarı ola bilər. Gücünüzə və vaxtınıza qənaət etmək fikrinə düşsəniz, lütfən, ətrafdakıların sizdən daha fəal olduqlarını unutmayın. Yanılmaqdan qorxmayın, sadəcə intuisiyanıza güvənin.

BALIQLAR bir qədər fəhmli və diribaş hərəkət etsələr, inkişaflarının qarşısına sipər çəkən plan və ambisiyalardan asanlıqla imtina edə bilərlər. İndi, xüsusən, maddi məsələlərdə bir an belə tərəddüd etmək olmaz. Hadisələr burulğanında yalnız öz hisslərinizi rəhbər tutmalısınız. Özünüzü fövqəladə bir hadisənin astanasında hiss edirsinizsə, gücünüzü əsirgəməyin. Onda mütləq hər bir işdə uğur qazanacaqsınız.