SİYASƏT
Ramin Məmmədovun deputat səlahiyyətlərinə xitam verilib - YENİLƏNİB
Bakı, 2 may, AZƏRTAC
Ramin Ələmşah oğlu Məmmədovun deputat səlahiyyətlərinə xitam verilib.
AZƏRTAC xəbər verir ki, bununla bağlı məsələ Mərkəzi Seçki Komissiyasının (MSK) mayın 2-də keçirilən iclasında müzakirəyə çıxarılıb.
Qeyd edək ki, Prezident İlham Əliyevin aprelin 8-də imzaladığı Sərəncamla R.Məmmədov Dini Qurumlarla İş üzrə Dövlət Komitəsinin sədri təyin olunub. O, 2020-ci ildə 64 saylı Sabirabad İkinci Seçki Dairəsindən Milli Məclisə deputat seçilib.
16:19
Mərkəzi Seçki Komissiyasının (MSK) mayın 2-də keçirilən iclasında Ramin Ələmşah oğlu Məmmədovun deputat səlahiyyətlərinə xitam verilməsi barədə məsələyə baxılıb.
AZƏRTAC xəbər verir ki, Konstitusiyanın 89-cu maddəsinin 4-cü hissəsinə əsasən, Milli Məclisin deputatı dövlət orqanlarında vəzifə tutduqda, din xadimi olduqda, sahibkarlıq, kommersiya və ödənişli başqa fəaliyyətlə məşğul olduqda (elmi, pedaqoji və yaradıcılıq fəaliyyəti istisna olmaqla) deputat səlahiyyətlərindən məhrum edilir.
Qeyd edək ki, Prezident İlham Əliyevin aprelin 8-də imzaladığı Sərəncamla R.Məmmədov Dini Qurumlarla İş üzrə Dövlət Komitəsinin sədri təyin olunub. O, 2020-ci ildə 64 saylı Sabirabad İkinci Seçki Dairəsindən Milli Məclisə deputat seçilib. Hazırda Milli Məclisin Ailə, qadın və uşaq məsələləri komitəsinin, Beynəlxalq münasibətlər və parlamentlərarası əlaqələr komitəsinin, Bolqarıstan, Çin, Fransa, İsrail, İtaliya, Koreya, Serbiya parlamentləri ilə əlaqələr üzrə işçi qruplarının üzvüdür.