Azərbaycan Dövlət Neft Şirkətinin marketinq və iqtisadi əməliyyatlar idarəsindən AZƏRTAC-a verilən məlumata görə, oktyabr ayında Bakıdan 96 min 721 ton xam neft və neft məhsulları yola salınmışdır.

Göndərilmiş neftin 41 min 110 tonu avtomobil benzini, 37 min 117 tonu dizel yanacağı, 6 min 623 tonu təyyarə yanacağı, 2 min 85 tonu butan, 9 min 786 tonu koks olmuşdur.

Şirkət ixrac neftinin yüklənib yola salınmasına dair aylıq proqnoza vaxtında əməl etmişdir.