DÜNYA
Şərq ulduz falı
(9-15 aprel)
OĞLAQLAR əlini işdən soyudub, hər şeyi öz axarına buraxmamalıdırlar. Əksinə, işinizə ciddi yanaşdığınızı ətrafdakılara nümayiş etdirməlisiniz. Onda hər sahədə, ilk növbədə işdə böyük uğur qazanacaqsınız. Həyat eşqiniz istənilən problemin öhdəsindən gəlməyə kömək edəcəkdir.
DOLÇALAR potensial işgüzar tərəfdaşlarla ümumi dil tapacaqlar. Buna nail olmaq üçün danışıqlarda bu işdən baş çıxardığınızı və peşəkar olduğunuzu göstərməlisiniz. Apardığınız danışıqların yekunu olaraq imzaladığınız razılaşmalar nəinki maddi durumunuzu yaxşılaşdırmağa, həmçinin ünsiyyət çevrənizi genişləndirməyə, yeni və daha maraqlı işlərlə məşğul olmağa şərait yaradacaqdır.
Hadisələrin gedişatı BALIQLARI uzaq perspektiv üçün mühüm qərarlar qəbul etməyə sövq edəcəkdir. Bu, ciddi məsələdə səhvə yol verməmək üçün arzu, imkan və bacarığınızı düzgün qiymətləndirməlisiniz. Yalnız bu halda ideyalarınızı əlavə güc, zaman və vəsait sərf etmədən həyata keçirə bilərsiniz.
QOÇLAR günü-günə satıb həll etməyə macal tapmadıqları problemlərlə bu həftə məşğul olacaqlar. Bütün işləriniz sanki sehrli çubuğun hərəkəti ilə çox asanlıqla alınacaqdır. Bütövlükdə bu həftə məqsədə doğru “Daim irəli!” şüarı altında keçəcəkdir. Bu gözəl fürsəti əldən verməyin.
BUĞALAR, görünür, bəzi sənədləri qaydaya salmalı olacaqlar. Əslində, tələm-tələsik bir iş deyildir. Lakin asudə vaxtınızın çox olduğu bir vaxtda görülməsi daha məsləhətlidir. Bu həftə eviniz və ailənizin üzvləri üçün bəzi bahalı şeylər almaq üçün münasibdir. Yalnız bazarlıq edərkən onlarla məsləhətləşməyi unutmayın.
ƏKİZLƏR bu həftə birlikdə işləyəcəkləri insanlarla tez-tez görüşməlidirlər. Ola bilsin, sərfəli təklifləri tərəfdaşlarla müzakirə edib, çevik qərarlar qəbul etməli olacaqsınız. Məmurlardan asılı olan, sənədlərin hazırlanması, habelə yüksək instansiyalara müraciətlə bağlı işləriniz yağ kimi gedəcəkdir.
XƏRÇƏNGLƏRİN ağızları deyəni qulaqları eşitməlidir. Dediyiniz sözlər ətrafdakıların xoşuna gəlməyə, adekvat qəbul edilməyə bilər. Maddi durumunuz sabit olacaqdır. Maliyyə məsələlərində qovhaqov olmayacaqdır. Bu həftə planlaşdırdığınız bütün işləri yaxınlarınızın köməyi ilə görəcəksiniz.
ŞİRLƏR bu həftə karyerada böyük uğurlar qazanacaqlar. Maddi rifahınız artacaqdır, lakin bunun üçün bütün bacarıq, istedad və imkanlarınızı ortaya qoymalı, başqalarının köməyindən imtina etməməlisiniz. Yeni mövqe qazanmaqda sizə kollektiv yaradıcılıq kömək edə bilər. Beyninizdə yeni ideyalar doğacaqdır.
QIZLAR bu həftə maliyyə baxımdan özlərini quş kimi azad hiss edəcəklər. Siz ya sanballı qazanc götürəcəksiniz, ya da lüzumsuz xərclərdən qurtulacaqsınız. Bundan əlavə, ümumi maddi durumunuzun yaxşılaşması ehtimalı da yüksəkdir. Vaxtilə istədiyiniz hər şeyi almaq iqtidarında olacaqsınız.
TƏRƏZİLƏR yaxınlarının köməyi ilə gələcək uğurlarının bünövrəsini qoyacaq, təhsil və özünütəkmilləşdirmə məsələlərini uğurla həll edəcəklər. Yalnız işlərinizi boş-boşuna ora-bura qaçmadan, lazımsız insanlarla əlaqələrinizi məhdudlaşdıraraq həll etməlisiniz. Onda bütün təşəbbüslərinizin nəticəsi istədiyiniz kimi olacaqdır.
ƏQRƏBLƏR bu həftə özlərini xırda-mırda məsələlərlə yormamalıdırlar. Bütün diqqətinizi sizin üçün həqiqətən prioritet olan məsələyə yönəltməlisiniz. Bu həftə bir çox arzularınızı həyata keçirə biləcəksiniz. Nəticədə özünəinam hissiniz artacaqdır.
OXATANLAR hər baxımdan xoş bir həftəyə qədəm qoyurlar. Sizi bir çox işlərdə uğur gözləyir. Bütün işləriniz ilk cəhddən alınacaqdır. Bu proqnoz ilk növbədə peşəkarlıq fəaliyyəti ilə bağlıdır. Burada sizi həqiqi uğur gözləyir. Qələbə sevincini məmnuniyyətlə yaxınlarınızla bölüşəcəksiniz.