Bakı, 16 noyabr, AZƏRTAC 

Azərbaycan Milli Elmlər Akademiyasının (AMEA) Mərkəzi Elmi Kitabxanası İraq Respublikasının ölkəmizdəki səfirliyinin müraciətinə əsasən Mosul şəhərindəki kitabxanalara 365 adda kitab göndərib.
MEK-dən AZƏRTAC-a bildiriblər ki, kitablar İraqın Azərbaycandakı səfirliyinin üçüncü katibi xanım Enas Abdul Kadhim Mohammed Al-Khazrajiyə təqdim olunub. Göndərilən kitablar arasında “Azərbaycan dövlətçilik fəlsəfəsi”, “Heydər Əliyev və Azərbaycan ədəbiyyatı. Heydər Əliyev haqqında etüdlər. Heydər Əliyev və Azərbaycan elmi”, “XİX-XX əsrlərdə ermənilərin azərbaycanlılara qarşı ərazi iddiaları”, “Qarabağ: etno-mənəvi inkişaf tarixi”, “Qarabağ əsrlərin salnaməsi”, “Azərbaycanlılara qarşı etnik və soyqırımı siyasətinin mərhələləri”, “Türk-Azərbaycan bədii düşüncəsinin ilkin qaynaqları”, “Türk xalqları ədəbiyyatı”, “XX əsr Azərbaycan poeziyası antologiyası”, “Kitabi-Dədə Qorqudun yasaqlanması” kimi əhəmiyyətli mənbələr var.