Bakı, 12 yanvar, AZƏRTAC

Çexiyanın şimal-qərbindəki Most şəhərində restoranda propan-butan balonunun partlaması nəticəsində altı nəfər ölüb, səkkiz nəfər isə xəsarət alıb.
AZƏRTAC Sinxua agentliyinə istinadla xəbər verir ki, partlayışla bağlı Çexiyanın yanğın-xilasetmə xidməti açıqlama yayıb. Bildirilib ki, restorandan və yaxınlıqdakı binalardan 30 nəfər təxliyə edilib.
Çex Radiosu partlayış zamanı restoranda 20-yə yaxın qonağın olduğunu qeyd edib.
Hadisə ilə bağlı araşdırmalara başlanılıb.